Batuhan Nang Putik

Noynoy Aquino, leader of the pack



Manny Villar- Strong second, trying to catch up



Erap Estrada- Last try for the presidency



Gibo Teodoro- Unsung Hero- Suffering from fallout
from association with PGMA


Malapit na po ang eleksyon at katulad nang mga nakaraang eleksyon ay lumilipad na naman sa paligid ang batuhan nang putik o black propaganda. Suriin natin ang mga black propaganda na ito.


1. Noynoy Aquino-
a) Dumaan daw sa psychiatric test sa Ateneo de Manila- Napatunayan naman na huwad ang pirma nang naglabas kuno nang psychiatric test na ito. Obviously black propaganda lamang ito.
b) Nakinabang daw ang mga Aquino sa pagkakagawa nang SCTEX- Walang matibay na pruweba na nakinabang nga sila dito at walang kinalaman si Noynoy sa pagkakaapruba nang proyektong ito.
c) Hacienda Luisita Massacre at Hindi Pagkakasama nang Hacienda Luisita sa CARP - Wala ring matibay na pruweba na sangkot si Noynoy sa massacre nang magsasaka sa Hacienda Luisita at sa hindi pagkakasama nang Hacienda Luisita sa CARP.

2. Manny Villar-
a) Nakinabang daw at inimpluwensiyahan ni Manny Villar ang SLEX para dumaan sa kanyang mga subdivision nuong siya ay Senate president pa- Wala ring matibay na ebidensiya sa paratang na ito. Ang nagpapatupad nang paggawa nang SLEX ay ang DPWH na nasa sangay nang ehekutibo at walang kapangyarihan si Villar na diktahan ang mga tauhan nito. Hindi lang si Villar ang nakinabang sa SLEX extension na ito kundi si Mike Velarde nang El Shaddai at Henry Sy nang SM na ang mga lupain ay dinaanan din nang nasabing road extension.
b) Napakalaki na daw nang nagagastos ni Manny Villar sa kampanyang ito at siguradong babawiin niya ang nagastos niya kapag siya ay nahalal nang pangulo. - Ito ay haka haka lamang at walang matibay na basehan. Sabi niya ay gusto niyang wakasan ang kahirapan nang mga mahihirap at duon siya huhusgahan nang mga tao kapag siya ay nahalal na pangulo.
c) Siya raw ang tunay na manok nang mga Arroyo at binabansagan pa siyang Villaroyo- Wala ring basehan ang paratang na ito.

3. Joseph Erap Estrada- Ang kampanya ay nakukulapulan nang puro kasinungalingan at pagpapanggap. Sabi sa TV ad niya na anim na taon daw siyang binusalan samantalang sinintensiyahan siyang guilty nang Sandiganbayan sa krimen na plunder at pinatawad lang ni PGMA. Itinatanggi niya ang lahat nang akusasyon sa kanya at pinagtulungan lang daw siya nang mayayamang negosyante sa Makati at mga elitista. Nakakatakot na ang kanyang kampanya ay punong puno nang pagkukunwari. Tatapusin lang niya ang hindi niya nakuha nung presidente pa siya.

4. Gibo Teodoro-
Ang pinakamatalino at magaling sa mga kandidato subalit siya ay nakukulapulan nang masamang imahe nang kanyang tagapagtaguyod na si PGMA. Nagkakawatak watak na ang Lakas-Kampi at sumasanib na ang mga lokal na opisyal sa Liberal o Nacionalista parties.

Sa kaduluhan ay malamang sa hindi na ito ay magiging two cornered fight sa pagitan ni Noynoy Aquino at Manny Villar pero nakakalamang si Aquino kay Villar nang malaking puntos. Ang tanging hatak ni Aquino ay ang hatak nang pangalan nang kanyang mga magulang na sina Ninoy at Cory at kapatid na si Kris. Wala pa siyang pruweba na magiging isang mahusay na pangulo. Mediocre ang kanyang performance sa Kongreso at sa Senado at bumango lang ang kanyang pangalan nung mamatay si Cory Aquino. IKAW SINO ANG IBOBOTO MO?

NAKAKALITO

          NAKAKALITO!  Ito ang nadarama nang mga botante sa Pinas ngayon na isang buwan na lamang at eleksyon na.  Suriin  natin ang mga kwalipikasyon nang mga kandidato para magkaroon tayo nang inteligenteng basehan sa pagboto.

1.  De Los Reyes- Walang kapaga pagasang manalo. Lumilitaw na panggulo na lamang.
2. Villar- Maraming ibinabato na issues sa kanya katulad nang C-5 road at over spending sa pangangampanya. Pero sa tingin ko, siya ang may pinakamalaking pagasa sa pagangat nang bansa dahil sa karanasan niya na lehitimong mahirap na naging bilyonario. Malawak na rin ang karanasan niya bilang Speaker of the House at Senate President. Magiging one on one ang laban nila ni Aquino sa pagka presidente.
3. Estrada- Nahatulan na siya nang pandarambong at pinatawad lang. Kung nagnakaw siya nuon, magnanakaw pa lalo siya kung siya ang muling mauupo.
4. Villanueva- Sa lahat nang kandidato ngayon ay siya ang may pinakamalinis na kalooban bilang isang lingkod nang Diyos, pero katulad din nuong 2006 ay hindi rin siya mananalo ngayon. 
5. Aquino - Ang pinakamabigat na katunggali ni Villar sa pagka Pangulo. Walang karanasan katulad nang kanyang ina nuon. Bago namatay si dating Pangulong Cory ay ni hindi nababanggit ang pangalan niya na seryosong kandidato. Walang matibay na pruweba na magiging magaling na Pangulo kung walang makabuluhang naipakita nuong siya ay kongresista at senador. Magaaral pa siya sa pamamahala katulad nang ina niya nuon.
6. Gordon - Isa ring kalidad na kandiato at me pruweba na sa Subic na napaunlad niya nuong umalis ang mga Amerikano. Subalit nasa ilalim din siya nang surveys at malabong manalo.
7. Teodoro - Maaaring siya ang pinakakwalipikadong kandidato dahil dating bar topnotcher pero nasa ilalim din nang survey at apektado nang kanyang relasyon sa kasalukuyang nanunungkulan. 
8. Madrigal- Tumakbo lang para patuloy na sirain ang kandidatura ni Villar. Hindi seryosong kandidato at kulelat sa survey.


Sa makatuwid ang ating pagpipilian ay sa pagitan ni Villar at Aquino na lamang. Katulad nga nang sinabi ko ay wala pang pruweba si Aquino kundi ang maging anak ni Ninoy at Cory samantalang si Villar ay napatunayan na ang tamang pormula sa pagahon sa kahirapan. Wala namang malinis na politiko. Lahat ay nababahiran nang maling pananaw nang Filipino sa politika sa bansa. Si Ramos ay hindi busilak na malinis pero napaangat niya ang ekonomiya nang Pilipinas. Ang kailangan natin ay katulad niya na paaangatin din ang Pilipinas at iaahon sa kahirapan ang mga Pilipino na hindi talamakang magungurakot katulad nang kasalukuyang nakaupo. Kaya ang iboboto ko eh si VILLAR.